Објавено на:

Илјадници Унгарци протестираа против пропагандата на државната телевизија, бараат непристрасни медиуми

t

Илјадници луѓе денеска се собраа
во Будимпешта пред централата на Унгарската државна медиумска компанија (MTVA), барајќи крај на „владината пропаганда“ во медиумите.

Државната телевизија MTVA долго време е обвинувана дека е гласник на премиерот Виктор Орбан, ретко објавувајќи критички вести за неговите постапки и критикувајќи ги сите кои се сметаат за негови противници.

Денешниот протест беше организиран од партијата ТИСА на опозицискиот лидер Петер Маѓар. „Нашето трпение се исцрпи, време е да ги расчистиме сметките“, изјави Маѓар пред демонстрантите. На некои од плакатите кои ги носеа демонстрантите беше напишано „Независни јавни медиуми“.

Маѓар се осврна на како што рече, штетата што „фабриката за пропаганда“ на Орбан и ја направи на унгарската демократија.

– Она што постои овде во Унгарија во 2024 година и се нарекува себеси „јавни медиуми“ е глобален скандал, рече Маѓар пред насобраните. Доста со гадости, доста со лаги, доста со пропаганда, рече тој.

Маѓар побара оставка од директорот на унгарскиот јавен сервис и ги повтори поплаките на многу опозициски политичари дека не им се дава можност да излезат на државната телевизија за да комуницираат со гласачите.

Во мај државната телевизија ја организираше првата предизборна дебата од 2006 година, откако Маѓар се закани дека ќе организира протести пред централата.

На европските избори во јуни, ТИСА освои речиси 30 проценти од гласовите, позиционирајќи се на второ место, веднаш по партијата ФИДЕС.

ПОВРЗАНИ ВЕСТИ

Уапсен 18-годишник, осомничен за лажна дојава за…

18-годишник од Тетовско е осомничен за лажна…

Руската разузнавачка служба тврди дека Брисел сака…

Руската Служба за надворешно разузнавање (СВР) објави…

Со пиштол и се заканувал на сопругата…

МВР информира дека доцна синоќа во 22:05…

Сара Ѓорѓиеска пуштена на домашно лекување

По тешките повреди што ги доби во…

ГРЦИЈА ОБЈАВИ ДЕТАЛИ ЗА ПЛАНИРАНИОТ АТЕНТАТ –…

План за атентат врз лице во Грција,…