Србија за осум месеци оствари буџетски суфицит од 15.3 милијарди динари

Србија за осум месеци од годинава остварила суфицит на државниот буџет од 15,3 милијарди динари, што е подобро од буџетскиот план за 88,1 милијарди динари, со оглед на планираниот дефицит од 72,9 милијарди динари, објави денеска Министерство за финансии.

Остварени се приходи во износ од 1.419,7 милијарди динари, а расходи од 1.404,5 милијарди динари.

Во август е остварен дефицит од 55,5 милијарди динари.

Во текот на август се остварени приходи во износ од 154,9 милијарди динари, од кои даночните приходи изнесуваат 134,3 милијарди динари. Најголем дел од даночните приходи се однесуваат на плаќање данок на додадена вредност во износ од 72,4 милијарди динари.

Наплатени се акцизи во износ од 31,2 милијарди динари, а данок на добивка во износ од 13,5 милијарди динари.

Остварени се неданочни приходи во износ од 18,8 милијарди динари, а приливот на донации во август изнесува 1,7 милијарди динари.

Извршени се расходи во износ од 210,4 милијарди динари. Капиталните расходи изнесуваат 58 милијарди динари, расходите за вработени 39,5 милијарди динари, трансферите на ООСО (фонд ПИО, РФЗО, НСЗ, фонд СОВО) 26,6 милијарди динари, субвенции 25,9 милијарди динари, исплатени се расходи за социјална заштита стоки и услуги 15,6 милијарди динари. во износ од 13,1 милијарди динари, а исплатите на камати изнесуваат 12,8 милијарди динари.

Share on Facebook

Tweet

Follow us

Save