(Видео) Зеленски со нов апел до сојузниците да го засилат притисокот врз Москва

Украинскиот претседател Володимир Зеленски денеска, по серијата руски напади во кои има загинати или ранети цивили, повторно ги повика сојузниците на Киев да го зголемат притисокот врз Москва.

„Секој ден од војната покажува дека Москва е решена да продолжи со својата агресија. Овие луѓе немаат други намери, па затоа се обидуваат да ја зајакнат својата одбранбена индустрија, а тоа го прават со заобиколување на санкциите. Тие се повеќе ја ангажираат Северна Кореја, а Украина ќе биде принудена всушност да војува против Северна Кореја. Ова се околности во кои недостатокот на порешителна акција од партнерите кои ја поддржуваат Украина го охрабрува Путин дополнително да инвестира во теророт, но потребни се конкретни акции“, рече тој.

Зеленски потпиша закон со кој им се дозволува на странски државјани да служат во вооружените сили на Украина, вклучително и офицерски позиции, јави агенцијата „Укринформ“. Документот беше изгласан од Врховната Рада претходно овој месец.

Share on Facebook

Tweet

Follow us

Save