Ивановски го победи вториот носител во квалификациите во Братислава за прв триумф по 11 месеци

Најдобриот македонски тенисер Калин Ивановски фантастично ги почна квалификациите за Челинџерот во Братислава откако денеска со 2-0 го совлада вториот фаворит Александар Ковачевиќ од САД.
Мечот го одбележа фактот што ниеден од тенисерите на успеа да направи брејк, а Ивановски ја имаше единствената можност за такво нешто. Во тај-брејкот од првиот сет Калин беше подобар со 7-4, а во вториот со 7-3.

Победата на нашиот тенисер добива на значење ако се знае дека на турнирот настапува како 928. на АТП листата, додека неговиот денешен противник е 99. Минатата недела тој се врати по долгата пауза поради повреда и денешниот триумф е прв за него по 22 ноември 2023. Следен противник на Ивановски ќе биде подобриот од дуелот меѓу Керол и Креси, тенисери кои се далеку подобропласирани од него.

Share on Facebook

Tweet

Follow us

Save