Дачиќ: 20 лица на сослушување, тројца повредени сѐ уште се во тешка состојба

Во цела Србија денеска е Ден на жалост поради несреќата во Нови Сад, во која загинаа 14 лица поради уривање на структурата на железничката станица. На територијата на Војводина е прогласена тридневна жалост. Клиничкиот центар на Војводина соопшти дека нема нови жртви и дека тројцата повредени се уште се во тешка општа состојба.

Четиринаесет лица загинаа, а тројца се тешко повредени при уривање на настрешницата на Железничката станица во Нови Сад. Полициската управа во Нови Сад ја информираше јавноста дека се идентификувани 13 жртви и дека нивните семејства се информирани, додека едно женско лице се уште не е идентификувано поради поголеми повреди.

Министерот за внатрешни работи Ивица Дачиќ изјави дека ќе започне утврдувањето на одговорноста и дека веќе денеска ќе бидат сослушани 20 лица. Тој нагласи дека јавноста мора да биде убедена дека секој што е одговорен за оваа несреќа ќе одговара. Тој изјави дека не е на полицијата да утврдува, туку на Обвинителството како дошло до несреќата и кој е одговорен.

Share on Facebook

Tweet

Follow us

Save