Вучиќ: Да не дозволиме Србија да застане

Претседателот на Србија, Александар Вучиќ, ја сумираше изминатата работна недела и изјави дека ќе работи понапорно, посилно, како и дека ќе се бори за татковината и ќе се спротивстави на сите кои сакаат да ја спречат.
„Во моментите кога сме пред најголемите предизвици, наша задача е да не дозволиме Србија да застане. Со труд, работа и посветеност ја поведовме државата на добар пат, а за да останеме на тој пат мораме уште посилно и похрабро да ги туркаме работите“, порача Вучиќ на Инстаграм.

Тој додаде дека ќе даде се од себе Србија да продолжи да оди напред и да стане уште подобро место за живеење.

„Ќе работиме понапорно, посилно, ќе се бориме за татковината и ќе се спротивставиме на сите оние кои сакаат да ја спречат. Сакам да им се заблагодарам на сите граѓани кои ја сакаат својата Србија и кои не поддржуваат и следат на тој пат“, рече тој.

Share on Facebook

Tweet

Follow us

Save