INFOMAX.MK

Неколку илјади проевропски демонстранти вечерва трет ден по ред излегоа на улиците на Тбилиси, протестирајќи против владата, која опозицијата ја обвинува дека го одвлекува вниманието на земјата од нејзините амбиции за влез во Европската унија (ЕУ).

Полицијата ги растера претходните два протести со водени топови и солзавец и уапси повеќе од 100 лица.

#BREAKING ⚡️🇬🇪 — Interventions are beginning in Georgia. pic.twitter.com/sMqMvENIqX

— UK R REPORT (@UKR_Report) November 30, 2024

Протестите беа поттикнати од одлуката на владата, обвинета за проруски авторитаризам, да ги одложи разговорите за интеграцијата на Грузија во ЕУ до 2028 година.

Опозицијата ги оспорува и резултатите од парламентарните избори одржани во октомври, на кои победи владејачката партија Грузиски сон.

This is one of those rare weeks in history when decades happen. Spare a thought for Ukraine, Georgia, Syria and Romania. pic.twitter.com/XjbPslnbi6

— Daractenus (@Daractenus) November 30, 2024

Собирот се одржува вечерва во близина на парламентот, а дел од демонстрантите носат грузиски и знамиња на ЕУ.

Околу 160 грузиски дипломати ја критикуваа одлуката на владата да го одложи процесот на европска интеграција, велејќи дека таа е во спротивност со Уставот и доведе до меѓународна изолација на земјата.

🚨 BREAKING:

protesters in Tbilisi, the capital of Georgia set fire to the parliament building with Molotov cocktails. pic.twitter.com/7G8aA4qZv0

— ZEZO (@zeb1152097) November 30, 2024

Повеќе од 100 училишта и универзитети ги прекинаа своите активности во знак на протест.

И покрај ваквата одлука, Владата наведува дека сака да продолжи со реформите и дека сепак има намера да влезе во ЕУ, но во 2030 г.

Грузија официјално доби кандидатски статус за членство во ЕУ во декември 2023 година, но Брисел оттогаш го замрзна процесот, обвинувајќи ја извршната власт за сериозно демократско назадување.