Мухамед ал Башир е назначен за шеф на привремената влада на Сирија

Лидерот на сириската опозиција Мухамед ал Башир објави дека е назначен за шеф на привремената влада на Сирија за преоден период.
„Со одлука на главната команда не овластија да формираме привремена влада. Се претпоставува дека ќе се реализира до 1 март 2025 година“, изјави Башир, говорејќи на телевизијата „Ел Хадас“.
Како што додаде, одлуката е донесена денеска на средба на претставници на раководството на вооружената опозиција, претставници на опозициската „влада на национален спас“ и претставници на поранешната власт.

Башир е инженер и дипломиран правник. Неодамна тој беше премиер во таканаречената „Влада на националниот спас“ формирана од вооружената опозиција во сириската провинција Идлиб.
Сега Башир е овластен да формира ново раководство во Сирија и, на крајот, да одржи избори.

Share on Facebook

Tweet

Follow us

Save