Сведокот во случајот за убиството на Вања и Панче – Гоце Трајковски е во бегство, судот ќе направи се за да го обезбеди

На денешното судење за случајот со убиствата на Вања Ѓорчевска и Панче Жежовски во однос на сведокот Гоце Трајковски предложен од ОЈО, истиот ОЈО не може да го обезбеди и МВР не известуваат дека истиот не престојува на улицата наведена во неговата патна исправа.

Судот сега си зема да обрска да го обезбеди сведокот.

Доколку сведокот остане недостапен и по официјалното барање од судот, ќе се предложи неговиот исказ даден во Обвинителството да се приложи како доказ, на барање на одбраната на Александар Ѓорчевски.

„Сведокот Гоце е осомничен за друго кривично дело, и тој е недостапен за обвинителството“ изјавија од Јавното обвинителство денеска на брифинг на прашање на ТВ21 за убиството на Вања и на Панче.

Гоце Трајковски кој требаше да сведочи за исчезнувањето и убивањето на Вања Ѓорчевска, извршил палење на објект во Кисела Вода.

„Во однос на сведокот Гоце тој е осомничен и за друго тешко кривично дело и во моментов тој е недостапен. Осомничен е за палење на објект во кој над објектот живеат станари, станува збор за тешко дело, каде две лица соизвршители се во притвор. Тоа се случило на 13-ти ноември и има соопштение за опожарено кафуле во Кисела Вода“, рече Гаврил Бубевски.

Станува збор за опожарениот угостителски објект – кафуле на улицата „Христо Татарчев“ во Кисела Вода кој на 13 ноември, околу 3 часот наутро, тројцата со пожар предизвикале имотна штета од поголема вредност во износ од околу 450 илјади денари. Со оглед на тоа што кафулето е лоцирано во поголема станбена зграда, постоела опасност тие со пожарот да предизвикаат и значителна опасност за животот и телото на станарите.

ТВ21 дознава дека Гоце Трајковски е во бегство. Исто така дознаваме дека тој при предизвикување на пожарот се самозапалил, но минал само со ситни изгореници

Share on Facebook

Tweet

Follow us

Save