Адвокатот на Перпарим: Тој не е избеган туку веќе неколку месеци живее надвор од државата

Адвокатот Антонио Апостолски го презема застапувањето на Перпарим Бајрами, поранешниот директор на „Државна лотарија“, кој заедно со екс-вицепремиерот Артан Груби и неколку други лица е осомничен за проневера на околу 8 милиони евра во Лотарија.

Информацијата за МИА ја потврди самиот Апостолски, кој рече дека Бајрами не е избеган од државата туку веќе неколку месеци живее надвор од државата.

И премиерот Христијан Мицкоски, говорејќи за овој случај, во гостувањето на емисијата „Кликплус“ рече дека директорот на Државната лотарија подолго време не е во државата.

– Моите информации се дека поранешниот директор на „Државна лотарија“ подолго време не е во земјата. Додека, поранешниот вицепремиер во текот на вчерашниот ден со еден стопанственик, со возило со дипломатски таблици ја напуштил Македонија и се упатил кон нашиот северен сосед Косово – рече Мицкоски.

Share on Facebook

Tweet

Follow us

Save