Орбан: Одржувањето стратешки мир во време на војна е од суштинско значење

Унгарскиот премиер Виктор Орбан денеска изјави дека одржувањето на „стратешкиот мир“ во време на војна е од клучно значење.

Говорејќи во Брисел, премиерот го истакна неговиот неодамнешен предлог за примирје и размена на воени заробеници за време на православниот Божиќ во конфликтот меѓу Русија и Украина, пренесе МТИ.

Орбан рече дека го убедил рускиот претседател Владимир Путин дека треба да го разгледа неговиот предлог, додека Украинците, како што наведе, имале „инстинктивна реакција“.

Сепак, тој додаде дека ако Украинците размислуваат, „лесно“ би можеле да се предомислат, што, според него, би било во нивен интерес.

Орбан рече дека украинскиот претседател Володимир Зеленски „е лидер на земја која е во неволја, со странски војници на нејзина територија, која изгубила милиони луѓе“, пренесува Танјуг.

Share on Facebook

Tweet

Follow us

Save