Kaц: Никој нема да може да побегне од долгата рака на Израел

Израелскиот премиер Бенјамин Нетанјаху и министерот за одбрана Израел Кац ги коментираа неодамнешните воздушни напади врз цели во Јемен, нагласувајќи ја намерата трајно да се поразат Хутите.
Израелскиот премиер Бенјамин Нетанјаху заедно со министерот за одбрана Израел Кац ја нагласија намерата на Израел целосно да ги порази Хутите во Јемен.

Неодамнешните воздушни напади на израелските воздухопловни сили, според изјавите на израелското воено раководство, претставуваат само воведување на поширока воздушна кампања од страна на Израел.

Коментирајќи ги воздушни напади врз цели на Хутите во Јемен, израелскиот премиер Нетанјаху нагласи „дека Израел е решен трајно да го отсече овој (јеменски) терористички огранок на иранската оска на злото и ние ќе истраеме на тоа додека не ја завршиме работата“.

„Видовме прецизна акција на израелската авијација, гаѓајќи ги стратешките цели на Хутите во Јемен, на аеродромот и на пристаништето. Како што рековме, кој и да го нападне Израел, ние ќе ги погодиме, никој нема да може да побегне од долгата рака на Израел“, заклучи Кац.

Израелските воздушни напади имаат за цел да ја уништат способноста на Хутите да произведуваат крстосувачки и противбродски ракети, кои Хутите ги користат за да го нарушат и блокираат поморскиот коридор низ Црвеното Море.

Share on Facebook

Tweet

Follow us

Save