Зимска бура ширум САД – издадени предупредувања во десет држави

Зимската бура донесе снег, мраз и ниски температури низ поголемиот дел од САД, а предупредувања беа издадени за околу 60 милиони луѓе во повеќе од десетина држави, од Канзас до Њу Џерси.

Невремето се движи кон средината на Атлантикот, а главниот град Вашингтон се подготвува за обилни снежни врнежи.

Канзас и делови од северозападниот дел на Мисисипи беа погодени од снежното невреме, соопшти Националната метеоролошка служба (НМС), додавајќи дека до недела доцна попладне, полицијата реагирала на речиси 600 возила заглавени во снегот и 285 сообраќајни несреќи.

Од јужниот дел на Охајо до Вашингтон се очекуваат од 15 до 30 сантиметри снег.

Стотици училишта однапред најавија дека денеска нема да има настава поради невремето, вклучително и државните училишта во Индијанаполис, Синсинати, Вашингтон и Филаделфија.

Share on Facebook

Tweet

Follow us

Save