INFOMAX.MK

Голем пожар е предизвикан денеска од напад на украинско беспилотно летало врз енергетски објект во Казан, Русија, при што горат резорвоари со гас, соопшти локалната власт преку Телеграм.

Посочено е дека нема повредени, но и дека претседателот на Татарстан, Рустам Миниханов го посетил местото на пожарот.

„Голем пожар беше предизвикан денеска од напад на украинско беспилотно летало врз енергетски објект во Казан, Русија“, пишува во соопштението на локалните власти.

Според информациите од Телеграм, оваа фабрика е единствениот руски производител на исклучително силни пластични материјали, а воедно е и еден од најголемите производители на полиетилен со висока и ниска густина во Русија.

Поради овој напад аеродромите во Казан, Саратов, Пенза и Улјановск се привремено затворени, а еден час претходно се одложени летовите на аеродромите во Калуга и Тамбов.

Претходно е нападната уште една руска хемиска фабрика во пограничниот регион Брјанск. Се смета дека најверојатно била погодена од ракети со долг дострел што Украина ги добила од САД.

На социјалните мрежи се објавени видеа од пожарот.

Украина во текот на ноќта изврши масовен напад со дрон врз Русија. Според руски извори, во Тула била погодена воена болница, а украински беспилотни летала биле забележани и во близина на Енгелс во Саратовската област, каде се наоѓа базата на руските стратешки бомбардери.

Според Телеграм, Москва соборила повеќе од 200 украински беспилотни летала и пет балистички ракети АТАЦМС од американско производство.

Ukrainian drones hit the Kazanorgsintez, one of Russia's largest chemical companies and the country's largest polyethylene producer. It is based in Kazan, Tatarstan pic.twitter.com/D7IjFpB6LL

— 𝔗𝔥𝔢 𝕯𝔢𝔞𝔡 𝕯𝔦𝔰𝔱𝔯𝔦𝔠𝔱△ 🇬🇪🇺🇦🇺🇲🇬🇷 (@TheDeadDistrict) January 14, 2025

🔥Last night saw the most massive attack by Ukrainian Armed Forces on Russian territory in 2025

Drones targeted Aleksin in the Tula region, as well as the Rostov, Voronezh, and Oryol regions of Russia.

Restrictions were imposed at airports in Kazan, Kaluga, Saratov, Tambov,… pic.twitter.com/dd4HMs3oeW

— NEXTA (@nexta_tv) January 14, 2025