Студентите во Србија кои се во блокада пуштија веб страница на која има часовник кој отчукува до 27 јануари со порака: Налути се човеку

Студентите во Србија кои се во блокада ја пуштија веб страницата „Барањата не се исполнети“ (zahtevinisuispunjeni.rs), на која има часовник што отчукува наназад до понеделник, 27 јануари до 7 часот. Под тајмерот, кој моментално одбројува нешто повеќе од 93 часа до 27 јануари, е напишана пораката „Се гледаме“.

Студентите на Инстаграм објавија и видео на кое се гледа играта „Човеку, не се лути“, по што беше напишано – „Налути се човеку, 27 јануари“.

Засега не се знае каков е планот на студентите за тој ден, јави Бета. Пред тоа, студентите во блокадата ги повикаа граѓаните на Србија на тотален прекин на сите активности в петок на 24 јануари, односно на генерален штрајк или „општа граѓанска непослушност“.

Share on Facebook

Tweet

Follow us

Save