INFOMAX.MK

Новак Ѓоковиќ утре игра полуфинале на Австралија опен против Александер Зверев, а на ден пред мечот го откажа закажаниот тренинг.

Тој требаше да тренира во 14 часот по локално време (4 по средноевропско), но непосредно пред терминот, тренингот беше тргнат од распоредот. Голем број навивачи се собраа пред теренот број 16 каде Ѓоковиќ требаше да тренира, но си заминаа разочарани и во паника дека нешто сериозно се случува со нивниот миленик.

Од таборот на српскиот ас нема информација зошто дошло до откажување на тренингот, но се шпекулира дека причина е повредата што ја доживеа на мечот против Алкараз кога се пожали на болки во препоните. Тогаш успеа да го заврши дуелот и да победи, но од вторникот навечер не одржа ниеден тренинг и така ќе го дочека утрешниот меч со Зверев кој се игра во 4:30 часот по средноевропско време.

За разлика од Ѓоковиќ, Зверев тренираше и вчера и денеска и максимално фокусиран и подготвен го дочекува утрешното полуфинале.