Шестмина Бугари уапсени за проневера на 62 милиони евра во Луксембург

Шестмина Бугари осомничени за измама на хуманитарна организација од милионски суми се уапсени во четвртокот, соопштија од МВР и Обвинителството на Бугарија. Акцијата е меѓународна под покровителство на Европравда. Во Бугарија акции се спроведени во Варна, Софија, Перник, Сливен и Силистра.

Истрагата ја води обвинителството во Луксембург, а до бугарските власти се испратени европски потерници.

Според соопштението на обвинителството, шестмината приведени се осомничени за голема финансиска измама од 62 милиони евра. Парите биле од сметки на хуманитарна организација која работи за „социјална помош на луѓето на кои им е потребна во Луксембург“.

Од бугарското МВР додаваат дека Бугарите учествувале со регистрирање фирми и банкарски сметки во Шпанија. Тие беа искористени за „разделување на криминално присвоените средства од различни фондови во Луксембург на различни сметки во земји кои не се членки на ЕУ“.

На осомничените им е одредена мерка притвор во траење од 24 часа. Тие се од Варна. Обвинителството побара подолг притвор и ќе започне постапка за нивна екстрадиција во Луксембург.

Share on Facebook

Tweet

Follow us

Save