(Видео) Провокатор со маска на лице нападнал студент на блокадата кај Правниот факултет во Нови Сад

Маскирано лице се обидело да упадне во Правниот факултет во Нови Сад и физички нападнал студент. Неговите колеги, го бранеле од напаѓачот, јавува „N1“.

Непознат маж со маска и капа се обидел да влезе во блокираната зграда, но студентите не му дозволиле.

Како што раскажуваат студентите, тој прво седнал на клупа и ги гледал, а потоа се приближил до блокираната зграда и се обидел да ја отвори вратата. Кога еден од студентите кои го блокирале влезот му пришол да го праша што прави, велат студентите, мажот го фатил во пределот на стомакот и го оттурнал. Од тој момент двајцата разговарале, додека студентите снимале, а многу брзо се собрале и други студенти и граѓани.

Како што се гледа од снимката, две лица кои се претставиле како полицајци во цивилна облека по дваесетина минути го однеле маскираното лице во непознат правец.

Share on Facebook

Tweet

Follow us

Save