Трагедија: 22-годишна девојка прегазена на „Партизанска“, починала на лице место

Вистинска трагедија се случила вчера откако 22-годишна девојка била удрена од автомобил на булеварот „Партизански одреди“. За жал девојката им подлегнала на повредите и починала на лице место.

Како што известуваат од МВР, несреќата се случила вчера во 23:43 часот, каде автомобил „пежо 207“ со скопски таблички управуван од В.Ј.(20) од Скопје, удрил во пешакот Ф.К.(22) од Скопје.

„Од здобиените повреди на местото на несреќата починала Ф.К., а смрт констатирал лекар од Итна медицинска помош. Увид на местото извршиле увидна екипа на СВР Скопје и јавен обвинител, по чија наредба телото на починатата било дадено на обдукција“, велат од МВР.

Возачот В.Ј. бил уапсен и по целосно документирање на случајот, ќе биде поднесена соодветна пријава.

Share on Facebook

Tweet

Follow us

Save