Бил одговорен млад човек, спортист и вработен: Исчезна 28-годишник од Неготино!

28-годишниот Миле Тодоров од Неготино е исчезнат од 29.01.2025, а неговото исчезнување било пријавено на 30.01.2025 година, кога неговиот татко Д.Т. го пријавил во Полициска станица Неготино.

Според пријавата, Миле заминал од дома и од тој момент се нема јавено. Семејството и полицијата се во постојан контакт и преземаат мерки за неговото пронаоѓање.

Сестрата на Миле во изјава за „Фокус“ откри дека братот бил одговорен млад човек, спортист и вработен, и дека ова е првпат да се случи нешто слично. Според нејзините зборови, Миле заминал на работа во Кавадарци облечен во работничка опрема, со бело палто и црн елек.

Пред заминувањето, Миле на својот работодавач му изјавил дека дава оставка, и тоа го направил смирено, без никакви знаци на загриженост. По разговорот со газдата, тој ја напуштил работата и исчезнал.

Последен пат бил забележан во Марена, околу 10:30 часот, и од тогаш не се знае ништо за него. Полицијата продолжува со истражата и се надеваат на негово брзо пронаоѓање.

Share on Facebook

Tweet

Follow us

Save