Полска ги подигна борбената авијација и безбедносните системи на највисоко ниво на подготвеност

Оперативната команда на вооружените сили на Полска денеска на својот X налог објави дека утринава полетале полски и сојузнички борбени авиони F-16 со цел заштита на полскиот воздушен простор во екот на рускиот ракетен напад врз цели во западните делови на Украина.

„Во согласност со важечките процедури, Оперативната команда на вооружените сили на Полска ги мобилизираше сите расположливи сили и средства и нареди подигнување на борбената авијација и активирање на воздушната одбрана и радарските системи на највисоко ниво на подготвеност“, се вели во соопштението на мрежата „X“ на полската армија.

Се прецизира дека преземените мерки се во насока на обезбедување безбедност на териториите кои се во близина на загрозената зона, а се посочува дека оперативната команда на полските вооружени сили ја следи моменталната состојба.

Share on Facebook

Tweet

Follow us

Save