(Видео) Српското МВР објави видео од акцијата „Вардар“: Пронајдени се речиси половина милион фалсификувани евра!

Вицепремиерот и министер за внатрешни работи на Србија, Ивица Дачиќ изјави дека полициски службеници од СБПОК, во соработка со полициски службеници од Македонија и Европол, во рамки на големата оперативна акција со кодно име „Вардар“, а по наредба на Јавното обвинителство за Организиран криминал денеска на територијата на Србија уапси шестмина членови на организирана криминална група поради постоење основи на сомнение дека сториле кривично дело здружување заради сторено кривично дело фалсификување пари.

Според Дачиќ, вкупно шест лица се уапсени во Нови Пазар, Нови Сад, Сомбор и Суботица.

Уапсен е И.П. (1978) од Суботица, И.П. (1999) од Суботица, А.Б. (1955) од Нови Пазар, С.Н. (1962) од Нови Сад и С.О. (1985) од Нови Сад, З.Н. (1978) од Бачки Моноштор, општина Сомбор, соопшти МВР.

При апсењето била пронајдена поголема количина фалсификувани пари.

Се вршат претреси на повеќе локации, а досега се запленети околу 180.000 фалсификувани евра во апоени од 50, 100 и 200 евра.

Во претходниот период при акцијата беа запленети околу 120.000 фалсификувани евра, што е вкупно околу 300.000 фалсификувани евра.

„На територијата на Северна Македонија се запленети меѓу 300.000 и 400.000 фалсификувани евра и пронајдена печатница за фалсификувани пари. Aкцијата продолжува, рече Дачиќ.

Share on Facebook

Tweet

Follow us

Save