Ќе ја прават Албанија повторно голема: Менаџерот на кампањата на Трамп ќе ја води кампањата на Сали Бериша и Демократската партија

На три месеци до парламентарните изборите во Албанија закажани на 11 мај, Демократската партија на Сали Бериша започна блиска соработка со оние кои работеа рамо до рамо со американскиот претседател Доналд Трамп.

Се известува дека менаџерот на кампањата на американскиот претседател Доналд Трамп, Кристофер Лацивита, ќе ја води кампањата на Демократската партија во Албанија на изборите на 11 мај.

Кристофер Лацивита е политичкиот консултант кој ќе работи со Сали Бериша во текот на целиот изборен период. Според албанските медиуми тој веќе е во Тирана.

Политичкиот лидер на Демократската партија за Тирана, Белинд Келичи преку објава на социјалните мрежи наведува дека копретседавачот на кампањата на претседателот Трамп од денеска и официјално ќе ја води кампањата на Сали Бериша и Демократската партија.

„Направете ја Албанија повторно голема. Коменаџерот на кампањата на претседателот Трамп од денеска официјално ќе ја води кампањата на Сали Бериша и на Демократската партија“, напиша Келичи.

Share on Facebook

Tweet

Follow us

Save