Трамп ќе одлучи дали на Киев ќе му биде предадено нуклеарно оружје или не!

Одлуката дали САД ќе му предадат нуклеарно оружје на Киев или не е на претседателот Доналд Трамп, изјави американскиот секретар за одбрана Пит Хегсет.
„Не сум тука да објавам или да не објавам нешто. Тоа не е моја работа, тоа е работа на претседателот. Тој е лидер, тој е мајстор за преговори и склучување договори“, изјави Хегсет во интервју за порталот Breitbart News.
Како што истакна, Трамп е единствениот кој ќе одлучи дали има простор за маневрирање по кое било прашање.

Володимир Зеленски претходно изјави дека Западот треба да ѝ предаде нуклеарно оружје на Украина и да го испрати својот воен контингент во земјата, доколку не планира да го прифати Киев во НАТО.
Во декември 1994 година, во Будимпешта беше потпишан договор врз основа на кој Украина, Казахстан и Белорусија и предадоа нуклеарно оружје останато од Советскиот Сојуз на Русија – Украина 1900, Казахстан 1.400 и Белорусија 100 боеви глави. Оружјето од Украина и Казахстан беше уништено, додека боевите глави од Белорусија беа делумно вклучени во нуклеарниот арсенал на Русија.

Гаранти на Меморандумот од Будимпешта беа Америка, Велика Британија и Русија. Најмногу доби Америка, која на овој начин го парафира падот на својот главен непријател – Советскиот Сојуз. Украина, Белорусија и Казахстан се откажаа од жешкиот компир затоа што, како земји во транзиција, не можеа да си дозволат екстремно скапо одржување и безбедност на наследениот нуклеарен арсенал.

Share on Facebook

Tweet

Follow us

Save