Македонската армија назадува на листата на најмоќни војски, сега е меѓу Зимбабве и Јужен Судан

Годишната листа „Global Firepower“, која ги рангира најмоќните армии во светот, е објавено – како и лани и во минатите години, Соединетите Американски Држави се на САД остануваат на врвот како најсилна воена сила, а веднаш зад нив се Русија, Кина, Индија, Обединетото Кралство и Франција.

Украина, која три години е во војна по руската агресија, се наоѓа на 20-тото место на оваа листа.

Македонската армија забележа пад од две позиции на листата и годинава е 112-та место од вкупно 145 држави и се наоѓа под армијата на Зимбабве и над војската на Јужен Судан.

Oд нашите соседни земји, најдобро е рангирана Грција, на 30-тото место. Бугарија е на 62. место, Србија веднаш зад неа на 63. позиција, Хрватска е 74-та, Словенија 78-ма, Црна Гора 96-та, додека Косово е на 141. место.

Методологијата на GFP користи над 60 фактори за да го пресмета т.н. „firepower index“ на секоја држава, вклучувајќи ја бројноста на вооружените сили, финансиската состојба, логистичките капацитети, географската положба и достапноста на ресурси. Листата се фокусира на конвенционалните вооружени сили, додека нуклеарните капацитети не се земени предвид.

Share on Facebook

Tweet

Follow us

Save