Вардар е главен во Скопје, падна Работнички

Најтрофејниот македонски фудбалски клуб Вардар триумфира во скопското дерби против Работнички со 2-0 во 22. коло од Првата лига.

Вардар беше поконкретен во нападот, а првата сериозна шанса за гол ја имаше во 35. минута, кога Азер Омерагиќ не реализираше пенал. Сепак, една минута подоцна Едис Спахиу успеа да искористи грешка на одбраната на Работнички и да погоди за 1-0.

Борбата продолжи и во второто полувреме, каде што Вардар во завршницата имаше неколку добри шанси, а една од нив во првата минута од судиското надополнување ја искористи Роџерс Мато за конечни 2-0.

Вардар со оваа победа скокна до деветтата позиција во Првата лига и има 20 бодови, додека Работнички е четвртопласиран со 41 поен.

Share on Facebook

Tweet

Follow us

Save