INFOMAX.MK

Претседателот на Србија, Александар Вучиќ, разговарал со синот на претседателот на САД, Доналд Трамп помладиот, за билатералните односи меѓу Србија и САД и актуелните теми кои ја обликуваат светската политичка и економска сцена, објавено е на профилот на претседателот на Инстаграм.

„Ја истакнав важноста на економските и политичките односи меѓу Србија и САД и ја истакнав важноста на стратешката соработка меѓу двете земји и заедничките проекти во наредните години. Оваа средба ја симболизира посветеноста за зајакнување на билатералните односи и заедничката работа за решавање на глобалните предизвици“, се наведува во соопштението

Вучиќ рече дека имал срдечен разговор со Доналд Трамп помладиот.

Трамп Јуниор веќе престојуваше во Белград во септември 2024 година во екот на кампањата за избор на американски претседател. Во тоа време тој организираше вечера со претставници на српскиот бизнис во еден белградски хотел.

Како што тогаш пишуваше порталот Нова.рс, една од темите на разговор биле инвестициите на Трамп во светот, пред се во областа на недвижностите, хотелите и дигиталните медиуми, како и условите за водење бизнис во Србија и САД.

Семејството Трамп-Кушнер планира да изгради хотел во Србија под брендот Трамп на местото на зградата на Генералштабот во Кнежа Милош.

Доналд Трамп Jуниор е претприемач и извршен потпретседател на Организацијата Трамп.