INFOMAX.MK

Sot iftarin e bëjmë në sheshin Maqedonia. Mbledhemi per ta kaluar dhimbjen ne bashkim. Mbledhemi per ti kujtuar viktimat dhe t’i japim rehati njëri tjetrit. Денеска ќе го прекинеме постот во Македонија. Се собираме да ја надминеме болката во семејството. Се собираме да се потсетиме на жртвите и да си дадеме утеха еден на друг, стои во објавата на Фејсбук на граѓанското движење „Кој е следен“ кое ги организира протестите на плоштадите ширум Македонија.

View this post on Instagram

A post shared by @koj_e_sleden

Претходно граѓанската иницијатива „Кој е следен“ на социјалните мрежи ги повика граѓаните денес 18 март, да се соберат на градските плоштади ширум земјава и да одадат почит на загинатите во пожарот во кочанската дискотека „Пулс“.

„Македонија повторно е завиена во црно. Уништени и во грч седиме пред екраните во исчекување на нова поголема бројка, во исчекување на нова поголема тага. 59 млади лица не го видеа денешниот ден. Дупло повеќе се во болници и тешко повредени. Ние, како и децата во дискотеката, сме повторно беспомошни и оставени сами на себе. Во овие траорни денови, Македонија треба да биде заедно. Треба да си бидеме рамо за плачење и треба да си дадеме еден на друг утеха, ако воопшто и можеме. ,,Кој е следен?” повикува на заедништво во ужасов. Ги повикуваме сите луѓе низ цела Македонија, утре во 18:00 часот да се соберат на плоштадите од своите градови и да не поминуваат низ ова сами. Повикуваме во чест на починатите да се поделат црни ленти, за како народ да покажеме дека згаснатите животи нема да бидат заборавени. Тек допрва ќе доаѓаат црните денови за нас, а низ Македонија заедно ќе се тагува и плаче. Така, ќе треба и Македонија заедно да се лечи. Изразуваме длабоко сочувство до фамилиите и нека им почиваат души во мир“, се вели во објавата на иницијативата „Кој е следен?“.