Кошаркарките од Крива Паланка се средношколски државни прваци

Средношколскиот кошаркарски тим на СОУ „Ѓорче Петров“ од Крива Паланка, предводен од професорите Ведран Белешковски и Виктор Петровски, ја освои титулата државен првак на Државното првенство во кошарка за средни училишта. Првенството се одржа во спортската сала „Бранители 2001“ во Крива Паланка, а учествуваа тимови од Крива Паланка, Кавадарци, Штип и Скопје.

СОУ „Ѓорче Петров“ ја потврди својата доминација, освојувајќи ја четвртата титула државен првак во женска конкуренција. Директорката Елена Ѓорѓиевска истакна дека ова е чест за училиштето да биде домаќин на вакво натпреварување.

Претседателот на Федерацијата на училишни спортови, Александар Туфекчиевски, ја поздрави организацијата на домаќинот, а градоначалникот Сашко Митовски изрази гордост за Крива Паланка како домаќин.

Второто место му припадна на СОУ Спортска академија Кавадарци, а третото на СОУ „Славчо Стојменски“ од Штип. СОУ „Ѓорче Петров“ продолжува со успехите, со четврта титула по ред и бројни меѓународни награди во кошарка и баскет.

Share on Facebook

Tweet

Follow us

Save