Крстевски: Угостителите имаат 30 дена да ги прилагодат објектите или ќе бидат срушени

В.д. градоначалникот Крстевски им даде рок од 30 дена на угостителите да ги прилагодат летните тераси согласно со законските прописи. Во спротивно, ќе следи насилно рушење на нелегалните објекти, што ќе доведе до дополнителни трошоци за сопствениците.

На состанокот со сопствениците на угостителските објекти беше соопштено дека во најкус можен рок ќе се објави тендерска постапка за фирма која ќе ги отстрани нелегално изградените објекти. Крстевски нагласи дека на угостителите ќе им биде даден рок од 30 дена за да ги отстранат или прилагодат објектите според соодветните одобренија. Во случај да не го направат тоа, ќе следи насилно рушење.

Исто така, угостителите на состанокот посочија дека со години работат по оваа практика бидејќи им било дозволено тоа, а редовно ги подмируваат сите давачки кон државата и локалната самоуправа.

Целта на отстранувањето на нелегалните објекти е да се олесни пристапот на службите, како што се протипожарната служба, амбулантата и полицијата.

Share on Facebook

Tweet

Follow us

Save