Ќе стане ли Азир Алиу министер? Во Вреди се дискутира дали тој ќе го води МЗ или некој друг ресор!

Поранешниот министер за информатичко општество и администрација, Азир Алиу, би можел повторно да стане министер во Владата на Македонија, пишува ТВ21.

По излегувањето на Арбен Таравари од коалицијата Вреди и од Владата, Алиу, кој заедно со Арбен Фетаи и неколку други функционери од АА-Таравари беа во посета кај премиерот Албин Курти во Приштина, најави дека ќе продолжи со политичкиот ангажман во рамки на Вреди.

Извори на ТВ21 информираат дека Алиу е потенцијален кандидат за министер во владата ВМРО-Вреди.

Извори од Вреди велат дека името на Азир Алиу се разгледува како предлог за министер, но не прецизираат дали тој ќе раководи со Министерството за здравство или ќе има размена на ресори во рамки на коалицијата.

Share on Facebook

Tweet

Follow us

Save