Ќерката на Битиќи матурантка: „Жал ми е што не успеав да ѝ отворам европски врати овде во татковината“

Синоќа матурантка беше ќерката на пратеникот од СДСМ, Фатмир Битиќи, а емотивната објава сподели тој со јавноста преку својата објава на социјалната мрежа Фејсбук.

Во објавата, освен што изрази гордост и љубов кон својата ќерка Калтрина, Битиќи не ја сокри ни разочараноста што, како што напиша, не успеал да ѝ овозможи повеќе шанси и европска иднина во сопствената татковина.

„Вечерва се чувствувам горд и полн со емоции – како вчера да беше кога првпат ја однесов во градинка. Денес стои пред мене како матурантка со животен сјај во очите и соништа пред себе.

И покрај сите мои обиди и желби, жал ми е што не успеав да ѝ отворам европски врати, да ѝ овозможам повеќе перспективи и шанси овде, во татковината. Секој родител сонува да направи повеќе, да даде повеќе.

Но, знам едно – ти си борец, Калтрина. Ти си доволно силна, паметна и храбра да го најдеш вистинскиот пат, без разлика каде ќе те однесе животот. И јас секогаш ќе бидам тука, со срце полно љубов и поддршка“, вели Битиќи.

Share on Facebook

Tweet

Follow us

Save