Левица: Дали пуленот на Максо прави тешки злоупотреби со државни пари?

Граѓани од Пробиштип го вперија прстот во Илија Петковски – Џани, раководител во Агенција за вработување во Пробиштип и локален лидер на Знам. Тие обвинија дека Џани нудел државни кредити и помош при вработување во замена за изборна поддршка, објави Левица.

– За неколку дена започнуваат огласите за активни мерки на граѓани и фирми, а веќе има дојави кои посочуваат дека лично ветувал „услуги“ дека ќе им заврши работа да добијат пари, со цел да се ЗАГАРАНТИРА ГЛАС за Знам и Дпмне на претстојните Локални избори.

До кога раководната функција ќе ја користи како алатка за политичко УЦЕНУВАЊЕ и уште поважно – дали токму таа позиција е причината за неговиот трансфер од СдС во Знам?

И претходно Џани беше обвинуван за злоупотреба на граѓани кои ги користеле мерките од АВРМ бидејќи истите преку ноќ и мистериозно, без нивно знаење станувале Роми со цел прибавување на поголема сума на државни средства.

Иако за ваквите дејствија биле запознати и претпоставените во раководството на АВРМ, иако по пријава на злоупотребени работници е повикуван на информативен разговор во обвинителство, Џани и понатаму останува недопирлив за органите на прогонот.

Кога институциите ќе почнат да си ја вршат работата и до кога ќе се замижува пред злоупотребата со парите на народот?

Левица ги охрабрува граѓаните да продолжат да ги обелоденуваат криминалите на локалните шерифи и ќе врши постојан притисок врз институциите, со цел отстранување на ваквите системски аномалии во нашето општество. – стои во објавата на Фејсбук.

Share on Facebook

Tweet

Follow us

Save