Во Бугарија паралелно се одржува и „Софија прајд“ и „Марш за семејството“

Овогодинешниот „Софија Прајд“, организиран во поддршка на ЛГБТИ+ заедницата во Бугарија, ќе заврши со концерт на бугарски изведувачи на плоштадот „Принц Александар I Батенберг“. Меѓу музичките изведувачи се Марија Илиева, Мила Роберт и Иво Димчев.

Исто така, постои и организирана „млада сцена“, на која пет уметници имаат можност да настапат пред публика. Се очекува концертот да трае до 21:30 часот по бугарско време. Претходно, мирната поворка помина низ централните улици во главниот град. Во областа има силно полициско присуство.

Паралелно граѓаните се собраа на демонстрации насочени кон поддршка на традиционалното бугарско семејство. Настанот се вика „Големиот марш за семејството“ во Софија. Организатор на петтото јубилејно издание е Здружението „Месец на семејството“.

Настанот се одржува под покровителство на Бугарската православна црква, соопшти здружението. Нашата главна порака е дека го охрабруваме семејството создадено од маж, жена и нивните деца, рече Давид Александров, еден од организаторите на настанот и член на Здружението „Месец на семејството“.

Нашата главна борба е проблемот со наталитетот, од кој произлегува и демографската криза. Сакаме да го поттикнеме создавањето на повеќе бугарски семејства – со деца кои живеат во поволна средина, нагласи тој. Бугарската православна црква застана зад нашата кауза, рече Александров, и посочи дека целата програма е одобрена од нивна страна. Светиот синод на БПЦ издаде соопштение во поддршка на оваа демонстрација, кое потврдува дека помеѓу маж и жена може да има семејство само во рамките на бракот. Апелот се темели на Евангелието и на она што самиот Христос го потврдил, рече протосингелот на Софиската митрополија, архимандритот Јован. Собраните на демонстрациите мавтаа со бугарски знамиња.

Share on Facebook

Tweet

Follow us

Save