Мерц: Нема причинa да ги критикуваме Израел и САД за нападот врз Иран

Германскиот канцелар Фридрих Мерц изјави дека нема причина да ги критикува нападите на Израел и САД врз Иран.

„Нема причина ние, дури ни јас лично, да го критикуваме она што Израел го започна пред една недела, ниту пак има причина да го критикуваме она што САД го направија минатиот викенд“, рече Мерц на настан организиран од германската индустриска лоби група БДИ, објави Ројтерс.

Како што истакна тој, тоа не било без ризик, но оставањето на работите какви што биле исто така не било опција.

Мерц рече дека е очигледно оти Иран е на пат кон создавање нуклеарно оружје.

„Доказите дека Иран продолжува по патот на изградба на нуклеарно оружје повеќе не можат сериозно да се оспоруваат“, нагласи тој.

Share on Facebook

Tweet

Follow us

Save