Минималната дневница во земјавата колку 1,5 час работа во Германија

Дневницата во Македонија чини колку час и половина работа во Германија. Работниците во земјава кои земаат минимална плата, добиваат само 145 денари на час или за полно работно време од 8 часа, заработуваат 1.160 денари.

Во Германија во моментов еден час работа се плаќа 12,86 евра или скоро 800 денари. Но нивната Влада денеска одлучи постепено да ја зголемува и од 1 јануари следната година ќе биде скоро 14 евра, а од 202- та – 14,6 евра.

Со тоа Германија, по Луксембург, е земја со највисока минимална плата од 2,638 евра месечно. Кај нас минималецот е 400 евра или 6,5 пати понизок од оној кој им се исплаќа на германските работници. Синдикатот притиска да се зголеми – но социо-економски совет, каде што се утврдува, се уште нема.

Барањето на Синдикатот беше минималната плата да биде најмалку 450 евра, сума за која е потребен договор меѓу работодавачите и Владата. Но откако заврши репрезентативноста на Сидникатот, членовите на Советот 4 месеци пребројуваат со кој Синдикат треба да преговараат.

Инаку, според последните податоци на Евростат, најнисика плата во Унијата се исплаќа во Бугарија – 551 евра. Следна е Унгарија со 707 евра и Летонија 740 евра. Највисока пак добиват работниците во Луксембрур -2,638, Германија, Белгија и Холандија, над 2,000 евра. Од земјите во регионот, ние сме на дното, зад Црна Гора, Србија и Албанија.

Share on Facebook

Tweet

Follow us

Save