Трамп по разговорот со Путин: Не сум задоволен од состојбата со Украина

Американскиот претседател Доналд Трамп по разговорот со рускиот лидер Владимир Путин изјави дека не е задоволен од ситуацијата во Украина и дека верува дека нема напредок.

„Разговаравме. За време на овој прилично долг разговор, разговаравме за многу работи, вклучително и за Иран. Разговаравме и за конфликтот во Украина и не сум задоволен (од ситуацијата)“, изјави Трамп пред новинарите во воздухопловната база Ендрус. Според него, нема напредок во решавањето на кризата. Трамп истакна дека САД продолжуваат да испорачуваат оружје во Украина и покрај намалувањето на американските испораки.

„Даваме оружје, но дадовме толку многу оружје, но даваме оружје и работиме со нив и се обидуваме да им помогнеме. Но, мора да се осигураме дека имаме доволно… Знаете, (поранешниот американски претседател Џозеф) Бајден ја уништи нашата сопствена земја“, нагласи Трамп.

Share on Facebook

Tweet

Follow us

Save