Нетанјаху пристигна во САД, ќе разговара со Рубио и Виткоф пред средбата со Трамп

Израелскиот премиер Бенјамин Нетанјаху слета утрово во воената база Ендрус во близина на Вашингтон, пред денешната средба со американскиот претседател Доналд Трамп.

Тој треба да се сретне со американскиот државен секретар Марко Рубио и специјалниот пратеник Стив Виткоф подоцна денес, пред средбата со Трамп, која е планирана за понеделник вечер по локално време, објавува „Тајмс оф Израел“.

Летот на израелскиот премиер за Вашингтон беше одложен, а израелските медиуми вчера објавија дека причината за ова е криза во неговата коалиција, бидејќи ултраортодоксните членови на неговата влада бараат ажуриран нацрт на контроверзниот закон со кој се регулира воената обврска на студентите на јешива – академија за напредно изучување на еврејски текстови.

Share on Facebook

Tweet

Follow us

Save