Радев: Нема нови услови освен веќе договорените, Македонија сама си го блокира патот кон ЕУ

Република Северна Македонија сама си го запира патот кон Европската Унија затоа што не сака да ги исполни критериумите за членство. Ова го изјави претседателот на Бугарија, Румен Радев, кој пристигна во официјална посета на Хрватска.

Во Загреб, бугарскиот претседател нагласи дека Бугарија нема да се откаже од заштитата на правата на Бугарите што живеат во Македонија.

„Сè уште чекаме Република Северна Македонија да исполни еден јасно напишан услов што би ја отворил вратата за почеток на преговорите. А тоа е гарантирање на рамноправноста на Бугарите во оваа земја преку нивно вклучување во уставот заедно со другите народи што формираат држава“, рече Радев, цитиран од Бугарското национално радио. Радев беше категоричен дека Бугарија не поставува никакви нови услови надвор од веќе договорените. „Но, ние инсистираме да се почитува сè што е договорено“, рече и Радев за време на прес-конференцијата со неговиот домаќин Зоран Милановиќ.

Share on Facebook

Tweet

Follow us

Save