Кремљ: Заканите од Трамп се сериозни

Искажаното од претседателот на САД, Доналд Трамп, по вчерашната средба со генералниот секретар на НАТО, Марк Руте, и во интервјуто на Би-Би-Си, за официјален Кремљ се сериозни и треба да се анализираат.

Како што изјави Дмитриј Песков, портпаролот на рускиот претседател Владимир Путин, и изјавите и заканите со санкции на Трамп се сериозни и треба да се анализираат. Сепак, нагласи тој, рускиот претседател Путин ќе даде изјава за предлозите ако оцени дека тоа е неопходно.

По средбата со Руте, вчера Трамп се закани дека ќе воведе 100 проценти царини за Русија доколку не се согласи на прекин на огнот што би ја завршил војната во Украина во рок од 50 дена.

На заканите на Трамп реагираше и поранешниот руски претседател и премиер, Дмитриј Медведев, нарекувајќи го Трамп „театрален“.

Share on Facebook

Tweet

Follow us

Save