Алиу за инцидентот во психијатриската болница Бардовци, таму треба инвестиции

Што презема министерството за здравство за зголемување на безбедноста на пациентите и вработените во психијатриската болница во Бардовци, по инцидентот што се случи вчера во кој осуденик хоспитализиран во болницата, со стаклено шише усмрти друг пациент – исто така осуденик.

Министерот Алиу вели дека случајот ја потврдува потребата од зајакнување на човечките ресурси во болницата, но без да каже конкретно кога и што ќе се преземе за да се превенираат вакви инциденти.

„Таму треба инвестиции и од аспект на инфраструктура, но исто така и од аспект на зајакнување на човечките капацитети таму. За жал овој настан ќе го забрза процесот, но треба да учиме и јас сум за министерството да превенира, а не да постапува после вакви случаи. Нека биде ова уште една лекција дека инвестиции во здравството се неопходни за процесите да бидат стабилни и сервисите да бидат во реално време дадени. Тука за жал се случило тоа, постапката е во тек“.

Самиот министер Алиу уште пред месец и половина беше во посета на болницата, каде и самиот се разочарал од условите во кои се третираат пациентите, но и во кои работи медицинскиот персонал, по што на социјалните мрежи напиша дека е потребна итна системска реакција.

Болницата во Бардовци подолг период се соочува со низа предизвици, системски, инфрастурктурни, организациски, но и кадровски……

Од болницата по инцидентот само кусо соопштија дека 35 годишниот пациент сега е под надзор на полициски службеници по наредба на надлежниот обвинител и дека во интерес на истрагата не можат да споделуваат повеќе информации.

Share on Facebook

Tweet

Follow us

Save