Хамас ослободи половина од израелските заложници

Палестинското движење Хамас се согласи да ослободи половина од израелските заложници што ги држи во Појасот Газа во замена за одреден број палестински затвореници, објави египетскиот телевизиски канал Ал-Каиро, повикувајќи се на извори.

Предлогот предвидува привремено прекинување на воените операции за 60 дена, во текот на кои одреден број палестински затвореници ќе бидат разменети за половина од бројот на израелски притвореници.
Размената ќе вклучува ослободување на 10 живи притвореници и половина од 36-те тела, за вкупно 18 тела.

Тие истакнаа дека предлогот вклучува повторно распоредување на израелските сили за да се овозможи хуманитарна помош да влезе во Појасот Газа и почеток на разговори за сеопфатен договор или траен прекин на огнот.

Египетски извори проценија дека палестинското движење Хамас го смета предлогот за најдобра достапна опција за заштита на жителите на Појасот Газа и почеток на сеопфатно решение што ќе ги заштити жителите на Појасот од воена ескалација.

Официјален претставник на Хамас денес потврди дека милитантната група ги информирала медијаторите дека го прифаќа најновиот предлог за прекин на огнот во Појасот Газа.

Share on Facebook

Tweet

Follow us

Save