Нова измама: 83-годишна тетовчанка дала 2.000 евра за ќерка ѝ да не оди во затвор

Уште една, којзнае која по ред измама со телефонски повик и приказна за сообраќајна несреќа, успеала вчера во Тетово, каде 83-годишна жена му дала на непознатиот измамник 2.000 евра за нејзината ќерка наводно да се спаси од затвор, соопшти МВР.

„На 20.08.2025 во 12:40 часот во СВР Тетово, 83-годишна тетовчанка пријавила дека била измамена од едно лице за сума од 2.000 евра. Според пријавеното лицето и се јавило телефонски и ја известило дека нејзината ќерка предзвикала сообраќајна несреќа во Скопје во која починал малолетник и доколку не сака таа да оди во затвор треба да донесе пари во Скопје. Како што е пријавено, таа ги однела парите на договореното место, а подоцна, откако се слушнала со нејзиниот зет, сфатила дека била измамена. Се преземаат мерки за расчистување на случајот“, велат од полицијата, чии мерки досега не расчистија ниеден од десетиците вакви случаи.

Share on Facebook

Tweet

Follow us

Save