Затвореник нападнал и повредил полицаец во КПУ „Идризово“

Осуденик кој отслужува затворска казна во затворот Идризово денеска околу 11 часот физички нападнал припадник на затворската полиција додека бил на службена должност, информираат од Синдикатот на Затворската полиција и администрација во Македонија.

Оттаму велат дека затвореникот К.А. го нападнал затворскиот полицаец Д.К. со тупаници, со што тој се здобил со телесни повреди во пределот на главата и телото, а по брзата интервенција на затворската служба, напаѓачот бил веднаш изолиран, а повредениот полицаец бил префрлен на медицински третман и моментално е во стабилна состојба.

Од Синдикатот на Затворска полиција упатија официјално барање до Управата за извршување на санкциите и до управата на КПД Идризово да го осудат овој чин на насилство врз службено лице и без одлагање да отпочнат соодветна дисциплинска и кривична постапка против сторителот, согласно законските прописи.

Во тек е внатрешна истрага за утврдување на сите околности поврзани со инцидентот, а безбедносните протоколи во установата се дополнително засилени, додаваат од Синдикатот.

ЛИНК од објавата

Share on Facebook

Tweet

Follow us

Save