(Видео) Блокади на булевари во Аеродром! Граѓаните бараат чист воздух, најавија нов собир за утре

Граѓани на Општина Аеродром денеска ја блокираа раскрасницата помеѓу булеварите АСНОМ и Србија, пред мостот Киро Глигоров во знак на револт поради лошиот квалитет на воздухот изминатиот период и силната смрдеа која се шири низ општината поради пожарите на депонијата Вардариште.

– ЕКОЦИДОТ или силната миризба која ја чуствуваме изминативе неколку дена е неподнослива и со сигурност неизмерно штети на нашето здравје. Нашите дечиња школската година ја започнаа во најлоши можни околности. Наша граѓанска должност е да побараме СЕГА И ВЕДНАШ разрешување на овој проблем. Како граѓани се прашуваме: Кои институции ни недостасуваат за да го решат овој проблем? СЕГА И ВЕДНАШ, не по изборите, ниту во наредниот период. Веруваме дека овој проблем сите нас доволно не засега и мирно со блокирање на раскрасницата помеѓу булеварите АСНОМ и Србија, пред мостот Киро Глигоров, секој ден ќе допреме до надлежните за разрешување на овој проблем СЕГА и ВЕДНАШ. – стои на плакатите залепени низ Скопје со кои беше најавен овој протест.

Од видеото се забележува дека на терен има и полиција, а граѓаните најавија нов собир, односно блокада на раскрасницата помеѓу булеварите АСНОМ и Србија, пред мостот Киро Глигоров во 18 часот.

Share on Facebook

Tweet

Follow us

Save