Трамп: Путин и Зеленски не се подготвени за мир

Рускиот претседател Владимир Путин и Вoлодимир Зеленски сè уште не се подготвени да склучат мир, но „нешто ќе се случи“, изјави американскиот претседател Доналд Трамп во интервју за Си-Би-Ес. Тој рече дека сака средба меѓу Путин и Зеленски.

„Нешто ќе се случи, но тие сè уште не се подготвени. Но нешто ќе се случи. Ќе го направиме тоа“, рече американскиот претседател. По завршувањето на она што го нарече „шест војни“, Трамп рече дека конфликтот меѓу Русија и Украина е „малку потежок од некои други“.

„Искрено, мислев дека руската опција ќе биде најлесната од оние што ги запрев, но се чини дека е малку покомплицирана од другите“, додаде Трамп. Републиканецот вети дека ќе продолжи да се залага за мировен договор и го опиша својот став како „реалистичен и оптимистички“. Американскиот претседател, исто така, се потсети на својот пристап кон дипломатските преговори, што вклучува собирање на клучните лидери „во една соба“ и нивно убедување да постигнат договор, честопати со негово водство во процесот.

Share on Facebook

Tweet

Follow us

Save