Алиу: Хоспитализирани четири лица меѓу кои и директорот на ЦУК – тројца се пуштени на домашно лекување

Министерството за здравство Азир Алиу денеска од пред Клиниката за токсикологија рече дека во моментов во болница останува само едно лице – жителка на Трубарево која живеела во близината на пожарот, додека другите три лица се веќе на домашно лекување.

Алиу рече дека лекарска помош побарал и директорот на ЦУК, Мухамед Али.

„Од вчера министерството за здравство креираше кризен штаб за состојбата со пожарот во Трубарево, и следиме се што се случува од здравствена гледна точка. Четири лица се хоспитализирани, тројца се веќе на домашно лекување, четвртиот пационт е хоспитализиран во Клиниката за Токсикологија, и е надвор од животна опасност. Се прават испитувања, и се надеваме дека брзо ќе биде испуштен.

Направени се протоколи за да може и адаптирани ако има потреба да се интервенира во некој дел. Инситутот за јавно здравје излезе со препораки и важат и за денеска.

Еден од нив е жител, кој што живее во непосредна близина на пожарот, едниот е припадник на АРМ, едниот е директорот на ЦУК, еден е полицаец. Жителката која живее таму е хоспитализирана на Клиниката за токсикологија. Нема компликации, но стручните лица одлучил да продолжи да се лекува тука. Имала симптоми на вртоглавица и кашлица, и јас апелирам секој кој има вакви симптоми, да се јави на лекар“, рече Алиу.

Share on Facebook

Tweet

Follow us

Save