(Видео) Гори амбасадата на Пакистан во Белград

Пожар избувна утрово во зградата на амбасадата на Пакистан во белградската населба Дедиње, пренесуваат српските медиуми.

На фотографиите и снимките објавени на социјалните мрежи може да се види густ чад како се издига од еден од горните катови на зградата на амбасадата.

На терен веднаш дошле противпожарни екипи и според информациите од српските медиуми огнот е локализиран, но се уште работат на негово догаснување. Поради пожарот, настана хаос на околните улици во градот, пишува „Мој Београд“.

Сè уште не е познато што го предизвикало пожарот или како започнал, пренесува „Нова.рс“.

Надлежните органи сè уште официјално не го коментирале инцидентот, а нема информации за повредени. Обемот на материјалната штета е исто така непознат. Повеќе информации се очекуваат по истрагата од надлежните органи.

Видеото погледнете го тука.

Share on Facebook

Tweet

Follow us

Save