Уапсени двајца Германци на Табановце, полицијата им пронашла дрога во возилата

Лишени од слобода двајца германски државјани на Граничен премин Табановце во чиј возила е пронајдена дрога.

Како што информираат од МВР, вчера (17.09.2025) во 19:30 часот на Граничен премин Табановце, полициски службеници ги лишиле од слобода К.С.Г.(40) и Ј.С.(32), двајцата од Сојузна Република Германија. Претходно, при гранични проверки извршени се и контроли во нивните возила, при што во возилото кампер „фиат капрон“ со швајцарски национлани ознаки, кое го управувал К.С.Г., пронајдени и одземени се марихуана, 36 таблети, 189 капсули и дробилка. Додека, во возилото „фолксваген туран“ со германски национални ознаки, кое го управувал Ј.С., пронајдена и одземена е марихуана.

Двајцата се спроведени и задржани во СВР Куманово и по целосно документирање на случајот, против нив ќе бидат поднесени соодветни пријави, информираат од МВР.

Share on Facebook

Tweet

Follow us

Save