Голема воена парада во Србија

Бригадниот генерал во српската војска, Жељко Фурунџиќ, командант на Гардата, за РТС изјави дека е вложена напорна работа и посветеност за да се прикаже сè што е направено во изминатата деценија за опремување на Армијата со современо оружје и опрема.

Како што вели тој, парадата е можност да се претстават пред домашната и меѓународната јавност околу 10.000 припадници на армијата, со 2.500 парчиња оружје и воена опрема, околу 600 возила и разни системи, 70 авиони, 20 пловила и сето тоа на едно место. Ова е уникатен настан во овој дел од Европа, истакна генералот Фурунџиќ.

„Сè ќе биде прикажано преку парадата на пешадиските единици, преку моторизираниот ешалон, преку излетите на воздухопловите, преку парадата на речните флотиљи, а сето ова ќе биде надополнето со членови на Средното воено училиште, Воената гимназија, а ќе видиме и прикажување на можностите на одредот на воената полиција „Кобра“ и скокови со падобран од страна на членовите на 63-та падобранска бригада со знамињата на Србија и вооружените сили, како и вежба на гардата“, рече Фурунџиќ. Свечената поворка на гардата ќе ги пречека претседателот на Србија и врховниот командант, а за прв пат во свечената поворка ќе биде вклучена и коњаничката единица на гардата. Парадата ќе започне со почесен артилериски поздрав изведен од гардата со шест артилериски орудија, од кои секое ќе испали по 10 плотуни. Гардијата ќе парадира како дел од пешадискиот ешалон, а ќе биде и во моторизираниот дел, а репрезентативниот оркестар на гардата ќе ја свири српската химна на самиот почеток и ќе изведе низа музички композиции за време на самата парада, додаде Фурунџиќ. „За крај, уште еден куриозитет – вежба на гардата“, заклучи генералот Фурунџиќ.

Share on Facebook

Tweet

Follow us

Save